• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

کورونا کے نئے ویرینٹ کی روک تھام، آسٹریلیا کا سرحدیں کھولنے کا فیصلہ موخر

کورونا وائرس کے نئے ویرینٹ اومی کرون کی روک تھام کے لیے آسٹریلیا نے بین الاقوامی سرحدیں دوبارہ کھولنے کا فیصلہ مؤخر کردیا۔

آسٹریلیا کے وزیراعظم اسکاٹ موریسن کا کہنا ہے کہ موجودہ صورتحال میں ماہرین صحت کے مشورے پر سرحدیں فی الحال نہ کھولنے کا فیصلہ ناگزیر ہے۔

بین الاقوامی سرحدیں مزید دو ہفتے کے لیے بند رکھی جائیں گی تاکہ نئے ویرینٹ کو بہتر طور پر سمجھا جا سکے۔

آسٹریلیا میں اب تک اومی کرون کے پانچ کیسز رپورٹ ہوئے ہیں، آسٹریلیا نے کورونا وائرس کی وجہ سے بند سرحدیں یکم دسمبر سے کھولنے کا اعلان کیا تھا۔

بین الاقوامی خبریں سے مزید