سندھ میں رفاہی پلاٹ پرقائم گھریا سرکاری زمین پر بسی آبادی ریگولر کرنے کی اجازت ہونی چاہیے، سعید غنی

صوبائی وزیر اطلاعات سعید غنی نے کہا ہے کہ سندھ میں رفاہی پلاٹ پر قائم گھر یا سرکاری زمین پر بسی پرانی آبادی کو ریگولر کرنے کی اجازت ہونی چاہیے۔

وزیراعلیٰ سندھ کو نسلہ ٹاور کے قریب احتجاج کا علم نہیں تھا، سعید غنی

سعید غنی نے کہا کہ اداروں کے این او سی سے بنی عمارت کو توڑنے کا حکم سندھ حکومت نے نہیں دیا، نسلہ ٹاور متاثرین کے مطالبات جائز ہیں، ذمہ داروں کو سزا ہونی چاہیے۔

پشاور میں پریس کانفرنس کرتے ہوئے انہوں نے کہا کہ جہاں متاثرین کی تعداد لاکھوں میں ہو اور وہ دوبارہ گھر بنانے کی پوزیشن میں نہ ہوں تو حکومت کی ذمہ داری ہے کہ ان کے گھر بچائے۔

سعید غنی نے مزید کہا کہ نسلہ ٹاور والے معاملے میں قانون کے بجائے انسانی ہمدردی سے کام لینا چاہیے، عمران خان کے بنی گالا کےگھر کو بھی تو ریگولر کیا گیا تھا۔