• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

کراچی کی بریانی اس لیے بہت پسند ہے اس میں آلو ہوتے ہیں، ثانیہ مرزا

کراچی (این این آئی)پاکستانی آل راونڈر شعیب ملک کی اہلیہ اور معروف بھارتی ٹینس اسٹار ثانیہ مرزا کا کہنا ہے کہ انہیں کراچی کی بریانی بہت پسند ہے۔ثانیہ مرزا نے کراچی آمد پر میڈیا کو انٹرویوز دیتے ہوئے کراچی کی بریانی کی کھلے دل سے تعریف کی۔انہوں نے ایک انٹرویو میں کہا کہانہیں کراچی کی بریانی اس لیے بہت پسند ہے کیونکہ اس میں آلو ہوتے ہیں جبکہ بھارت میں بریانی میں آلو نہیں ہوتے۔ثانیہ مرزا نے ایک اور انٹرویو میں کہا کہ ان کا خیال ہے کراچی آکر اگر بریانی نہ کھاؤ آلو والی تو مزہ نہیں۔انہوں نے کہا کہ وہ حیدرآباد دکن سے ہیں جہاں بریانی بہت مشہور ہے، اور اگر وہ کہہ رہی ہیں کہ کراچی کی بریانی بہت اچھی ہے تو بس اچھی ہے۔خیال رہے کہ ثانیہ مرزا اور شعیب کی جانب سے گزشتہ دنوں شہر قائد میں ایک تقریب میں شرکت کی گئی تھی، جہاں انہوں بتایا کہ انہیں کراچی کی بریانی بہت پسند ہے۔

دل لگی سے مزید