• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

سربیا میں پاکستانی سفارت خانے کا اکاؤنٹ کب اور کہاں سے ہیک کیا گیا؟ تفصیلات سامنے آگئیں

تازہ ترین
قومی خبریں
03 دسمبر ، 2021
سربیا میں پاکستانی سفارت خانے کا اکاؤنٹ کب اور کہاں سے ہیک کیا گیا؟ تفصیلات سامنے آگئیں

سربیا میں پاکستانی سفارت خانے نے اپنے سرکاری اکاؤنٹ کے ہیک ہونے سے متعلق ایک وضاحتی بیان جاری کرتے ہوئے کہنا ہے کہ سفارتخانے کا اکاؤنٹ ہیک کیا گیا۔

پاکستانی سفارت خانے کا کہنا ہے کہ اکاؤنٹ سے پھیلائی جانے والی افواہیں بے بنیاد اور جھوٹ پر مبنی ہیں، جن کا حقیقت سے کوئی تعلق نہیں۔

پاکستانی سفارتخانے کے ٹوئٹر پر ’آپ نے گھبرانا نہیں ہے‘ پر طنزیہ گانا پوسٹ

ٹوئٹر پیغام میں کہا گیا ہے کہ مہنگائی تمام پچھلے رکارڈ توڑ رہی ہے، وزیر اعظم سے سوال کیا گیا ہے کہ آپ کیا توقع کرتےہیں بغیر تنخواہ ہم کب تک چپ کرکے کام کرتے رہیں گے۔

وضاحتی بیان میں کہا گیا ہے کہ بلغراد میں پاکستانی سفارت خانے کے عملے کو معمول کے مطابق تنخواہیں ادا کی جارہی ہیں، عملے کے بچوں کے اسکول کی فیسیں ادا نہ ہونے سے متعلق افواہیں من گھڑت ہیں۔

بیان میں کہا گیا ہے کہ سفارتخانے کو اسلام آباد سے معمول کے مطابق فنڈز جاری کئے جارہے ہیں۔

بلغراد میں پاکستانی سفارتخانے کی جانب سے جاری بیان میں کہا گیا ہے کہ سفارتخانے کا سرکاری اکاؤنٹ کراچی سے ہیک کیا گیا، ہیکر نے ایک ونڈوز ڈیوائس پر کروم براؤزر کے ذریعے اکاؤنٹ تک رسائی حاصل کی۔

سربیا میں پاکستانی سفارتخانے کے ٹوئٹر، فیس بک اور انسٹاگرام اکاؤنٹس ہیک کرلیے گئے، ترجمان دفتر خارجہ

ترجمان دفترخارجہ نے اس سوال کا کوئی جواب نہیں دیا کہ سربین سفارت خانے کے عملے کو تین ماہ سے تنخواہ ملی ہے یا نہیں۔

سفارت خانے کا کہنا ہے کہ یہ کارروائی پاکستانی وقت کے مطابق 10 بجنے میں ایک منٹ پر کی گئی۔  سفارتخانے کے فیس بُک اور انسٹاگرام اکاؤنٹس بھی اسی ڈیوائس کے ذریعے ہیک کیے گئے۔

ہیکر نے 11 بجنے میں ایک منٹ پر پہلا پیغام جاری کیا، جو پاکستانی سفارتخانے کے عملے کی جانب سے نہیں تھا، مزید تحقیقات کے لیے پاکستانی اداروں کے ساتھ آئی پی ایڈریس شیئر کردیا گیا ہے۔

اکاؤنٹ ہیک کرکے پوسٹ کیے جانیوالے پیغام سے پاکستانی سفارتخانے کا کوئی تعلق نہیں، سفارتخانہ اس کی کوئی ذمہ داری نہیں لیتا۔

تازہ ترین