دلی کے اسپتال میں اومی کرون ویرینٹ کے 12 مشتبہ کیسز رپورٹ

بھارتی دارالحکومت دلی کے اسپتال میں اومی کرون ویرنٹ کے 12 مشتبہ کیسز سامنے آئے ہیں۔

بھارتی میڈیا کے مطابق کورونا وائرس ٹیسٹ مثبت آنے پر 8 افراد کو گزشتہ روز اور چار افراد کو آج اسپتال میں داخل کیا گیا۔

نیویارک، اومی کرون وائرس کے مزید 5 کیسز رپورٹ

امریکی ریاست نیویارک میں اومی کرون وائرس کے مزید 5 کیسز رپورٹ ہوگئے۔ امریکا سفر کیلئے ایک دن پہلے کورونا ٹیسٹ کرانا لازمی قرار دیدیا گیا ہے۔

اس حوالے سے طبی عہدیدار کا کہنا ہے کہ متاثرہ 12 افراد کے نمونے جینوم ٹیسٹنگ کیلئے بھیج دیے گئے ہیں۔

انھوں نے بتایا کہ متاثرہ افراد تین دنوں کے دوران انٹرنیشنل پروازوں سے بھارت آئے۔

یاد رہے کہ بھارت میں اومی کرون کے دو کیسز پہلے ہی کرناٹکا میں رپورٹ ہوچکے ہیں۔