کترینہ اور وکی کی ورمالا پہناتے ہوئے ویڈیو وائرل

گزشتہ روز رشتۂ ازدواج میں منسلک ہونے والی بالی ووڈ کی معروف جوڑی کترینہ کیف اور وکی کوشل کی ورمالا پہنانے کی ویڈیو وائرل ہوگئی۔

کترینہ کیف اور وکی کوشل گزشتہ 9 دسمبر کو راجستھان کے مدھوپور میں سکس سینسز فورٹ میں منعقدہ ایک شاہانہ شادی کی تقریب میں باضابطہ طور پر شادی کے بندھن میں بندھ گئے ہیں اور ان کی شادی کی تصاویر سوشل میڈیا پر دھوم مچا رہی ہیں۔

کترینہ اور وکی کا شادی کے بعد ایک دوسرے کیلئے محبت بھرا پیغام

فوٹوز اینڈ ویڈیز شیئرنگ ایپ انسٹاگرام پر دونوں اسٹارز نے شادی کی تصاویر باضابطہ طور پر شیئر کیں۔

جوڑے نے اپنی شادی کا باضابطہ اعلان بھی اپنے آفیشل انسٹاگرام ہینڈلز پر  دلکش تصاویر کے ساتھ کیا ہے۔

اب سوشل میڈیا پر اس جوڑی کی ایک ویڈیو وائرل ہورہی ہے جس میں اُنہیں ایک دوسرے کو ورمالا پہناتے ہوئے دیکھا جاسکتا ہے۔

کترینہ کیف نے اپنی زندگی کے سب سے خاص اور حسین موقع پر روایتی سرخ عروسی لباس پہنا جس میں وہ پنجابی دلہن کی طرح لگ رہی تھیں۔