کترینہ اور وکی کا شادی کے بعد ایک دوسرے کیلئے محبت بھرا پیغام

نوبیاہتا بالی ووڈ جوڑے وکی کوشل اور کترینہ کیف نے رشتہ ازدواج میں منسلک ہونے کے بعد خود ہی اپنی تصاویر شیئر کردیں۔ 

فوٹوز اینڈ ویڈیوز شیئرنگ ایپ انسٹاگرام پر دونوں اسٹارز نے شادی کی تصاویر باضابطہ طور پر شیئر کیں۔ 

وکی کوشل نے اپنی اہلیہ کے ساتھ تصویر شیئر کرتے ہوئے کترینہ کیف کے لیے لکھا کہ اپنی زندگی کے نئے سفر میں آپ کی محبت کا طلب گار ہوں۔ 

ساتھ میں انہوں نے یہ بھی تحریر کیا کہ ہر چیز کے لیے ہمارے دلوں میں صرف پیار اور انکساری ہے جو ہمیں اس موقع تک لے آئی۔ 

کترینہ کیف بھی پیچھے نہ رہیں اور انسٹاگرام پر شادی کی تصاویر کے ساتھ انہوں نے بھی ایسا ہی پیغام ایک جیسی تصاویر کے ساتھ جاری کردیا۔