کترینہ کیف اپنی شادی پر آبدیدہ ہوگئی تھیں؟

گزشتہ روز شاہانہ شادی کے بندھن میں بندھنے والی بالی ووڈ کی باربی ڈول کترینہ کیف اپنی زندگی کے سب سے خاص موقع پر جذباتی نظر آئیں۔

 کترینہ کیف اور وکی کوشل کی شادی کی دلکش تصاویر وائرل ہوگئی ہیں جن میں بالی ووڈ کی معروف جوڑی بےحد خوبصورت اور خوش نظر آرہی ہے۔

کترینہ، جو سبیاسچی کا لہنگا پہن کر جلوہ گر ہوئیں، پھیروں کے دوران جذباتی ہوگئیں۔

سوشل میڈیا پر وائرل ہونے والی ایک تصویر میں دیکھا جاسکتا ہے کہ کترینہ کیف نے پھیروں کے دوران اپنے شوہر وکی کوشل کا ہاتھ تھاما ہوا ہے جبکہ اُن کی آنکھوں میں خوشی کے آنسو ہیں۔

 کترینہ اور وکی کی شادی پر جہاں جوڑے کے اہلخانہ اور عزیز و اقارب خوش ہیں تو وہیں سوشل میڈیا صارفین بھی بےحد خوش نظر آرہے ہیں۔

شادی کے 75 فیصد اخراجات کترینہ نے اٹھائے؟

وکی کوشل اور کترینہ کی شادی شایانہ شان طریقے سے راجستھان کے علاقے مدھوپور میں سکس سینسز فورٹ میں ہوئی۔

بھارت سمیت پاکستان میں بھی موجود کترینہ اور وکی کے مداح اُن کے لیے نیک خواہشات کا اظہار کرتے نظر آرہے ہیں۔

واضح رہے کہ ہر دلعزیز اداکارہ کترینہ کیف گزشتہ روز اپنے ساتھی اداکار وکی کوشل کے ساتھ شادی کے بندھن میں بندھ گئی ہیں۔