امیتابھ شو میں خوبصورت خواتین سے آسان سوالات پوچھتے ہیں، کپل شرما

19 دسمبر ، 2021

معروف بھارتی کامیڈین کپل شرما کا کہنا ہے کہ بالی ووڈ سپر اسٹار امیتابھ بچن اپنے کوئز شو کون بنے گا کروڑ پتی میں خوبصورت خواتین سے آسان سوالات پوچھتے ہیں۔

یاد رہے کہ کپل حال ہی میں کون بنے گا کروڑ پتی میں بالی ووڈ کے مشہور گلوکار سونو نگم کے ساتھ پروگرام میں شریک ہوئے تھے۔

وہ ہفتے کی رات کپل شرما شو کے موقع پر کون بنے گا کروڑ پتی کے مراٹھی زبان کے پروگرام کون ہونار کروڑ پتی کے میزبان سچن کیھڈیکر، سونالی کلکرنی اور روی کشن سے گفتگو کر رہے تھے۔

اس موقع پر کپل نے ان مہمانوں سے کون بنے گا کروڑ پتی 13 میں اپنی شرکت اور تجربے کے حوالے سے گفتگو کی اور کہا کہ مجھے کے بی سی میں شرکت کے کئی مواقع ملے۔

انہوں نے اس تجربے کو مذاحیہ انداز میں بیان کرتے ہوئے کہا کہ پہلی بار تو میوزک سیٹ اپ کی وجہ سے ماحول کافی شدید قسم کا تھا، امیتابھ بچن مخصوص انداز میں دیکھ کر کہنے لگے مجھے نہ دیکھیں، انکی آواز بھی ایسی ہی ہے، جس کرسی پر آپ بیٹھے ہوتے ہیں وہیں سے آوازیں آتی ہیں۔

کپل کے مطابق انہوں نے کے بی سی میں ایک بات دیکھی ہے، وہ یہ کہ اگر سونالی جیسی خوبصورت لڑکی چلی جائے تو امیتابھ بچن صاحب کے سوال الگ ہوں گے، گلاب کا پھول کس رنگ کا ہوتا ہے؟ اور جب ہم جیسے لوگ جائیں تو سوال کی نوعیت بدل جاتی ہے، اور وہ پوچھتے ہیں، ہمایوں کب آیا تھا؟ اگر ہم بتادیں تو پھر پوچھیں گے کہ کس سال آیا تھا، کپل نے زور دار قہقہہ لگاتے ہوئے کہا، یہ بھی بتادیں تو پھر کہیں گے، کس دن آیا تھا؟ پھر آگے بڑھتے ہیں، کتنے بجے آیا تھا؟

تازہ ترین