فرمان الہی
نماز کے اوقات
کراچی (اسٹاف رپورٹر) کرکٹ ویسٹ انڈیزکے صدر رکی اسکیرٹ کا کہنا ہے کہ کورونا شروع ہوتے ہی ویسٹ انڈیز انٹرنیشنل ٹور کرنے والی پہلی ٹیم تھی۔ مشکل حالات میں ہم نے کرکٹرز کو انگلینڈ بھیجا تھا۔ پاکستان میں 6کرکٹرزکے قرنطینہ میں جانے پر باقی ذہنی اور جسمانی طور پر ون ڈے میچز میں شرکت کیلیے تیار نہیں ہوسکتے تھے، اس لیے سیریز ملتوی کرنے کا درست فیصلہ کیا گیا، میچز جون میں ری شیڈول کرنے کیلیے ونڈو تلاش کرلی گئی ۔ بدقسمتی سے پہلی بار کسی سیریز کو ادھورا چھوڑ کر واپس آنا پڑا۔دوسری جانب امریکی شہر میامی پہنچنے والے آئر لینڈ کے چار کرکٹرز اور ایک سپورٹ اسٹاف کا کورونا ٹیسٹ مثبت آیا ہے۔انہیں آئسولیٹ کردیا گیا ہے۔جوش لٹل جو لنکا پرمیئر لیگ کھیل رہے تھے انہیں ٹیم میں شامل کر لیا ہے۔ آئر لینڈ اور امریکا کے درمیان دو ٹی ٹوئنٹی اور تین ون ڈے انٹر نیشنل اورویسٹ انڈیز میں تین ون ڈے اور ایک ٹی ٹوئنٹی میچ کھیلنا ہیں۔
