فرمان الہی
نماز کے اوقات
لندن (پی اے) ایک چیرٹی شاپ چین کو 2021ء میں ملنے والے عمومی عطیات میں جعلی دانت اور پیزا کے سلائس بہت کامن تھے۔ بچوں کی چیرٹی ’’برنارڈو‘‘ نے کرسمس عطیات کی اپیل کے جواب میں برطانیہ بھر میں اپنے تقریباً 620 سٹورز میں سے بیشتر پر ملنے والے حیرت انگیز عطیات کی فہرست جاری کی ہے۔ سینٹ اینڈریو، سکاٹ لینڈ میں سٹاف اور رضاکاروں نے جو عطیات وصول کئے، ان میں سے ایک جار میں محفوظ کیا گیا بچھو بھی شامل تھا جوکہ عام طور پر مقامی یونیورسٹی کو ملنے والے عطیات میں شامل ہوتا ہے۔ گلاسگو میں سٹاف کو ایک ہینڈ بیگ عطیہ میں دیا گیا جس کے اندر جعلی دانت جبکہ کیٹرک، نارتھ یارکشائر میں سٹاف اس وقت تک ایک شخص کی جانب سے اس کا کوٹ عطیہ میں ملنے پر خوش تھا جب تک کہ انہیں یہ نہیں پتہ چلا کہ اس کوٹ کی جیب میں ایک پیزا سلائس بھی موجود ہے۔ سانتا کے قطبی ہرن نے پہلے ہی ویسٹ مڈلینڈز کے وولور ہیمپٹن میں ایک عطیہ کا لطف اٹھایا کیونکہ اس میں گاجر کے کئی ٹکڑے شامل تھے جبکہ ورکسپ، ناٹنگھم شائر میں ایک دکان کو کائی کا ایک تھیلا ملا۔ چاکلیٹ باکس کے تحفے ہمیشہ خوشی خوشی وصول کئے جاتے ہیں لیکن پٹلوچری، پرتھ شائر میں 2015 کی بہترین تاریخ کے ساتھ کیکڑے کے گوشت کا ایک ٹن سٹاف کواچھا نہیں لگا۔ لندن کے ایک اسٹور میں عطیہ دینے والے ایک شخص نے تاریخی شخصیات کے چار پورٹریٹ کا ایک سیٹ فریموں میں رکھ کر عطیہ کیا، جس میں فاشسٹ ڈکٹیٹر مسولینی، چینی کمیونسٹ لیڈر ماؤ زے تنگ، ولاد دی امپیلر، جوکہ ڈریکولا کے نام سے جانا جاتا ہے اور سابق وزیراعظم مارگریٹ تھیچر کو دکھایا گیا تھا۔
