فیصل آباد میں دھند :مختلف حادثات میں 3 افراد جاں بحق

فیصل آباد میں دھند کے باعث ٹریفک حادثات میں 3 افراد جاں بحق اور 5 زخمی ہو گئے۔

ریسکیو کے مطابق سمندری کے علاقے رجانہ روڈ پر تیز رفتار کار دھند کے باعث بے قابو ہو کر سڑک کے درمیان ڈیوائیڈر سے ٹکرا گئی جس کے نتیجہ میں 11 سالہ لڑکے سمیت 2 افراد جاں بحق جبکہ 3 بچوں سمیت 5 افراد زخمی ہو گئے۔

حادثے کے شکار زخمیوں اور لاشوں کو فوری طور پر اسپتال منتقل کر دیا گیا۔

دوسری جانب تاندلیانوالہ میں موٹرسائیکل سوار دھند کے باعث گنے سے لدی ٹریکٹر ٹرالی سے ٹکرا کر موقع پر ہی جاں بحق ہو گیا۔