• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

چینی ویب سائٹ نے گوگل کو پیچھے دھکیل دیا

آج کا اخبار
یورپ سے
30 دسمبر ، 2021
واشنگٹن ( نیوز ڈیسک) رواں سال دنیا بھر میں سب سے زیادہ مقبول ویب سائٹوں کی درجہ بندی میں امریکی گوگل ویب سائٹ اپنی پہلی پوزیشن سے ہاتھ دھو بیٹھی۔ سائبر سیکورٹی کمپنی کلاؤڈ فلیئر کے مطابق چینی ویب سائٹ ٹک ٹاک نے گوگل کو دوسرے نمبر پر دھکیل کر خود پہلی پوزیشن پر قبضہ کر لیا،جس کے بعد 2021ء کے لیے ٹاک ٹاک دنیا کی مقبول ترین ویب سائٹ بن گئی۔ایک سال کے دوران میں ٹک ٹاک ویب سائٹ نے 6 درجوں کی چھلانگ لگائی۔ 2020ء میں ٹک ٹاک ساتویں نمبر پر اور گوگل پہلے نمبر پر تھی۔ ٹک ٹاک نے رواں سال ستمبر میں ایک نیا ریکارڈ قائم کیا تھا کہ جب اس کو استعمال کرنے والے صارفین کی تعداد ایک ارب تک پہنچ گئی۔ رواں سال کے دوران میں 10مقبول ترین ویب سائٹوں کے نام بالترتیب رہے، ٹک ٹاک، گوگل، فیس بک، مائیکروسوفٹ، ایپل، ایمیزون، نٹفلیکس، یوٹیوب، ٹوئٹر اور واٹس ایپ۔یاد رہے کہ امریکی حکومت کی جانب سے چینی ویب سائٹ پر کئی بار پابندی لگانے کی کوشش کی جاتی رہی ہے۔ سابق امریکی صدر ٹرمپ کے بعد جوبائیڈن کے دور میں بھی ٹک ٹاک پر مقدمات چل رہے ہیں۔
تازہ ترین