بھارت میں کورونا کی نئی لہر شروع ہوچکی ہے، بھارتی ڈاکٹر

بھارتی ویکسین ٹاسک فورس کے سربراہ ڈاکٹر این کے ارورا کا کہنا ہے کہ بھارت میں کورونا کی نئی لہر شروع ہوچکی ہے۔

بھارتی میڈیا سے گفتگو کرتے ہوئے بھارتی ویکسین ٹاسک فورس کے سربراہ ڈاکٹر این کے ارورا نے کہا کہ بھارت میں کورونا کی نئی لہر اومی کرون ویرینٹ کے سبب ہے۔

کورونا کیسز میں اضافہ، بھارت میں پابندیاں

بھارت میں عالمی وباء کورونا وائرس کیسز بڑھنے پر پابندیاں نافذ کردی گئی ہیں

بھارتی وزارت صحت کا کہنا ہے کہ بھارت میں چار دن میں کورونا کیسز دگنے ہوگئے، گزشتہ روز کورونا کے 58 ہزار 97 کیسز اور 534 اموات رپورٹ ہوئیں۔

بھارتی میڈیا کے مطابق بھارت میں اومی کرون ویرینٹ کےکیسز کی تعداد 2 ہزار 135ہوگئی ہے، کرناٹکا میں ویک اینڈ کرفیو جبکہ بہار میں رات کا کرفیو نافذ کردیا گیا ہے، بہار میں کورونا پابندیوں کا نفاذ 21 جنوری تک ہوگا۔

فرانس میں کورونا کا نیا ویرینٹ دریافت

ایسے حالات میں کہ جب دنیا کورونا کے اومی کرون ویرینٹ سے نبرد آزما ہے، فرانس میں سائنسدانوں نے کورونا کا ہی ایک اور ویرینٹ ’آئی ایچ یو‘ دریافت کیا ہے۔

ادھر بھارتی ریاست ہریانہ میں کورونا پابندیوں کے باعث دفاتر میں حاضری 50 فیصد تک محدود کردی گئی ہے جبکہ بھارتی ریاست چھتیس گڑھ میں عوامی تقاریب پر پابندی اور رات کا کرفیو نافذ کردیا گیا ہے، بھارتی ریاست کیرالہ میں بھی اجتماعات پر پابندی عائد کردی گئی۔