• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

کورونا کیسز میں اضافہ، بھارت میں پابندیاں

تازہ ترین
بین الاقوامی خبریں
04 جنوری ، 2022
فائل فوٹو
فائل فوٹو

بھارت میں عالمی وباء کورونا وائرس کیسز بڑھنے پر پابندیاں نافذ کردی گئی ہیں۔

بھارتی میڈیا کے مطابق کورونا کیسز بڑھنے پر ریاست تلنگانہ میں 8 جنوری سے 16جنوری تک اسکول بند کردیئے گئے ہیں جبکہ ممبئی میں کورونا میں اضافے کے سبب اسکول بند کردیئے گئے ہیں۔

بھارتی ریاست پنجاب کے کچھ علاقوں میں رات کا کرفیو نافذ کردیا گیا ہے جہاں پر بارز، سنیما، مالز اور ریسٹورنٹس پر 50 فیصد افراد کو اجازت دی گئی ہے۔

بھارتی میڈیا کا یہ بھی کہنا ہے کہ پنجاب میں جم بند رہیں گے جبکہ مکمل ویکسین شدہ افراد دفتر جاسکیں گے۔

بھارتی وزیر اروند کیجریوال بھی کورونا وائرس کا شکار

نئی دلی کے وزیراعلیٰ اروند کیجریوال بھی عالمی وبا کورونا وائرس کا شکار ہوگئے۔

بھارتی وزارت صحت کا کہنا ہے کہ بھارت میں گزشتہ روز کورونا کے 37 ہزار 379 کیسز اور 124 اموات رپورٹ ہوئیں۔

بھارتی میڈیا کا کہنا ہے کہ بھارت میں اومی کرون ویرینٹ کے کیسز کی تعداد 1892 تک پہنچ گئی ہے۔

بھارتی رکن پارلیمنٹ منوج تیواری کا کورونا ٹیسٹ مثبت آگیا ہے جبکہ یونین وزیر مہندرا ناتھ پانڈےبھی کورونا میں مبتلا ہوگئے ہیں۔

دلی کے وزیراعلیٰ اروند کیجروال کا بھی کورونا ٹیسٹ مثبت آگیا ہے، ان میں کورونا کی معتدل علامات ہیں۔

بین الاقوامی خبریں سے مزید