شدید موسمی صورتحال کے باعث مشکلات، طالبان کی عالمی برادری سے تعاون کی اپیل

07 جنوری ، 2022

افغانستان میں شدید موسمی صورتحال کے باعث مشکلات کا سامنا ہے، طالبان نے عالمی برادری سے تعاون کی اپیل کردی۔

طالبان کے نائب وزیراعظم ملا عبدالغنی برادر نے اپنے ویڈیو پیغام میں عالمی برادری پر زوردیا ہے کہ وہ بغیر کسی سیاسی تعصب کے افغان عوام کے ساتھ تعاون کرے۔

انہوں نے کہا کہ افغانستان میں کئی جگہوں پر لوگوں کے پاس کھانا، رہائش، گرم کپڑے یا پیسے نہیں ہیں۔ دنیا کو اپنی انسانی ذمہ داریوں کو پورا کرنا ہوگا۔

انہوں نے کہا کہ موسم نے افغان عوام کی حالت زار کو مزید خراب کر دیا ہے، ملا عبدالغنی برادر نے یقین دہانی کراتے ہوئے کہا کہ طالبان ملک بھر میں بین الاقوامی امداد کی تقسیم میں مدد کے لیے تیار ہیں۔

عالمی ادارے خبردار کرچکے ہیں کہ مہنگائی اور بے روزگاری میں اضافے کے ساتھ افغانستان کے 38 ملین افراد میں سے نصف آبادی کو بھوک کا سامنا کرنا پڑے گا۔

بین الاقوامی خبریں سے مزید