آریز احمد کی شادی میں دلچسپ انداز میں ڈانس کرتے ہوئے ویڈیو وائرل

09 جنوری ، 2022

پاکستانی اداکار آریز احمد کی اپنی ساتھی اداکارہ حبا بخاری سے شادی کی خوشی میں دلچسپ انداز میں ڈانس کی ویڈیو سوشل میڈیا پر وائرل ہوگئی ہے۔

مختلف سوشل میڈیا پیجز پر وائرل اس ویڈیو میں آریز احمد کو گلوکار سراج اوپل کے مشہور گانے ’رانجھناں‘ پر اپنی اہلیہ حبا بخاری کے لیے ڈانس کرتے ہوئے دیکھا جاسکتا ہے۔

خیال رہے کہ پاکستانی شوبز انڈسٹری میں اداکارہ حبا بخاری اور اداکار آریز احمد کے نکاح کے بعد ایک اور خوبصورت فنکار جوڑی کا اضافہ ہو گیا ہے۔

اداکارہ حبا بخاری اور اداکار آریز احمد دو روز قبل رشتۂ ازدواج میں منسلک ہوئے ہیں اور جس کے بعد سے شادی کی خوبصورت تصاویر اور ویڈیوز وائرل ہیں اور صارفین کی جانب سے پسند بھی کی جارہی ہیں۔