فرمان الہی
نماز کے اوقات
مسلم لیگ نون کی نائب صدر مریم نواز نے کہا ہے کہ اس حکومت کی نااہلی، نالائقی ساری دنیا کے سامنے ہے، مری میں لوگ برفباری سے نہیں ان کی بے حسی سے مرے ہیں۔
مسلم لیگ نون کی نائب صدر مریم نواز ایم پی اے بلال یاسین کی رہائش گاہ پہنچیں جہاں انہوں نے بلال یاسین کی عیادت کی اور ان کی صحت یابی کے لیے دعا بھی کی۔
اس موقع پر مریم نواز نے کہا ہے کہ بلال یاسین نے میری والدہ کے الیکشن میں بہت کام کیا ہے، انہوں نے نواز شریف کا ساتھ نبھانے میں مثال قائم کی ہے۔
نون لیگ کی نائب صدر کا کہنا تھا کہ ایسے لوگ بہت کم ہوتے ہیں جنہوں نے وفاداری سے نواز شریف کا ساتھ نبھایا۔
مریم نواز نے کہا کہ خاندانوں کے خاندان مر گئے، یہ ہیٹر لگا کر گھروں میں سوتے رہے
انہوں نے کہا کہ لوگ مرتے رہے ان کی مدد کےلیے کوئی نہیں آیا، عوام کو پتہ ہے سچ کیا ہے جھوٹ کیا ہے۔
ان کا یہ بھی کہنا تھا کہ سیاسی جماعتوں کو اب عوام کے کہنے پر چلنا پڑے گا،اس حکومت کو گھر بھجوانے کےلیے کوئی طریقہ اپنانا چاہیے۔
مریم نواز نے نواز شریف کی طرف سے بلال یاسین کی صحتیابی کیلئے نیک خواہشات کا اظہار کیا۔
بلال یاسین نے عیادت کیلئے مریم نواز کی آمد پر شکریہ ادا کیا۔
واضح رہے کہ مسلم لیگ نون کے ایم پی اے بلال یاسین پر قاتلانہ حملہ کیا گیا تھا، انہیں 2 گولیاں لگی تھیں۔
