پنجگور اور نوشکی میں سیکورٹی فورسز پر حملے کی کوششیں ناکام، 4 دہشتگرد ہلاک

دہشت گردوں کی پنجگور اور نوشکی میں سیکورٹی فورسز کے کیمپوں پر حملے کی کوششیں ناکام بناتے ہوئے 4 دہشت گردوں کو ہلاک کردیا گیا۔

آئی ایس پی آر کے مطابق نوشکی میں دہشت گردوں نے ایف سی کیمپ میں داخل ہونے کی کوشش کی جس پر سیکورٹی فورسز کی جوابی کارروائی میں 4 دہشت گرد مارے گئے جبکہ فائرنگ کے تبادلے میں ایک افسر زخمی ہوگیا۔

دوسری جانب پنجگور میں دہشت گردوں نے سیکورٹی فورسز کے کیمپ میں دو اطراف سے داخل ہونے کی کوشش کی جس پر سیکورٹی فورسز کی بروقت جوابی کارروائی سے دہشت گردوں کی کوشش ناکام بنادی گئی اور دہشت گرد فرار ہوگئے جبکہ فائرنگ کے تبادلے میں ایک سپاہی شہید ہوگیا۔

بلوچستان: نوشکی میں دھماکا، سول اسپتال کے شیشے ٹوٹ گئے، پولیس

بلوچستان کے شہر نوشکی میں بازار کے قریب دھماکا ہوا ہے،جس سے سول اسپتال اور قریبی عمارتوں کے شیشے ٹوٹ گئے۔

آئی ایس پی آر کے مطابق پنجگور میں حملہ کرنے والے دہشت گردوں کو بھاری نقصان پہنچایا گیا، دہشت گردوں کی ہلاکتوں اور زخمی ہونے والوں کا تعین کیا جارہا ہے۔