فرمان الہی
نماز کے اوقات
معروف پاکستانی اداکار محب مرزا اور اداکارہ صنم سعید کی فلم’عشرت:میڈ ان چائنا‘ کی ریلیز کا اعلان ہوگیا ہے۔
فلم کی پروڈکشن ٹیم کی جانب سے گزشتہ روز ویڈیو شیئرنگ ایپ یوٹیوب پر فلم کا ٹریلر ریلیز کیا گیا ہے۔
اس ٹریلر میں فلم کے ہنسی مذاق، ڈانس، ایکشن اور تھرل سے بھرپور مناظر دیکھے جاسکتے ہیں۔
فلم کے ٹریلر کو یوٹیوب پر شیئر کرتے ہوئے ڈسکرپشن میں لکھا گیا ہے:
اس باری سے ہر باری
جان واری
صرف عشرت کی باری
اس پر ٹریلر اتنا بھاری
ہیں؟؟؟
تیاری پکڑ لو!!
یہ فلم رواں سال 3 مارچ کو سنیما گھروں میں پیش کی جائے گی۔
پاکستانی ایکشن کامیڈی فلم ’عشرت:میڈ ان چائنا‘ میں مرکزی کردار عشرت کو مرجانے کے بعد واپس آکر حریفوں کو سبق سکھاتے دکھایا گیا ہے۔
اداکار محب مرزا کی پہلی ہدایت کردہ فلم کی کاسٹ میں فیشن ڈیزائنرحسن شہریار یاسین ( ایچ ایس وائے)، اداکارہ صنم سعید، سارہ لورین، اداکار شمعون عباسی، علی کاظمی، مانی، شبیر جان، نیر اعجاز، امام سید اور مصطفی چوہدری شامل ہیں۔
