وزیراعظم نے پٹرول مہنگا کرنے کی سمری مسترد کردی

وزیراعظم عمران خان نے پٹرولیم مصنوعات کی قیمتوں میں اضافے کی سمری مسترد کردی ہے۔

ذرائع کے مطابق وزیراعظم نے پٹرولیم مصنوعات کی قیمتوں میں اضافے کی سمری مسترد کرتے ہوئے واپس بھجوادی ہے۔

وزیراعظم نے سمری سے متعلق کہا کہ پٹرولیم مصنوعات کی قیمتوں میں 12 روپے فی لٹر اضافہ بہت زیادہ ہے۔

حکومت نے پٹرولیم مصنوعات کی قیمتوں میں بڑا اضافہ کردیا

وفاقی حکومت نے پٹرولیم مصنوعات کی قیمتوں میں 12 روپے تک اضافہ کردیا گیا۔

ذرائع کے مطابق وزیراعظم نے ہدایت کی کہ پٹرولیم مصنوعات کی قیمتوں میں اضافے کی سمری پر نظر ثانی کی جائے۔

ذرائع کے مطابق آئل اینڈ گیس ریگولیٹری اتھارٹی (اوگرا) نے پٹرولیم مصنوعات کی قیمتوں میں فی لٹر 12 روپے تک اضافے کی سفارش کی تھی۔

وفاقی وزیر اطلاعات فواد چوہدری نے بھی کابینہ اجلاس کے بعد کہہ دیا تھا کہ حکومت کے پاس پٹرول مہنگا کرنے کے سوا کوئی چارہ نہیں ہے۔