• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

مخالفین کو انتقام کا نشانہ بناتے ہوئے عمران آج کے ہٹلر ثابت ہوچکے، حمد اللّٰہ

تازہ ترین
قومی خبریں
16 فروری ، 2022


پاکستان ڈیموکریٹک موومنٹ (پی ڈی ایم)  کے ترجمان حافظ حمد اللّٰہ نے کہا ہے کہ عمران خان مخالفین کو تشدد اور انتقام کا نشانہ بناتے ہوئے آج کے ہٹلر ثابت ہوچکے ہیں۔

حافظ حمداللّٰہ نے  محسن بیگ کے گھر پر چھاپے اور گرفتاری کی شدید الفاظ میں مذمت کرتے ہوئے ان کی فوری رہائی کا مطالبہ کردیا۔

ترجمان پی ڈی ایم نے کہا کہ محسن بیگ پر تشدد آزاد صحافت پر تشدد ہے، حکومتی پالیسیوں پر تنقید کرنا محسن بیگ کا جرم ہے۔

مراد سعید اور محسن بیگ کا کنڈکٹ کیا تھا سب کے سامنے آگیا، صداقت علی عباسی

صداقت علی عباسی نے کہا کہ اگر ایف آئی اے نےحد کراس کردی ہےتو اس پر عدالت فیصلہ کرے گی، کسی کےخلاف بھی غیراخلاقی گفت گو کرنا غیر مناسب ہے۔

انہوں نے کہا کہ ملک میں نہ جمہوریت ہے نہ جمہوری حکومت ہے، آمریت ہے، عمران خان مخالفین کو تشدد اور انتقام کا آئے روز نشانہ بناتے ہوئے آج کے ہٹلر ثابت ہوچکے ہیں۔

حافظ حمداللّٰہ نے کہا کہ محسن بیگ کے گھر پر چھاپا چادر اور چاردیواری کے تقدس کی توہین اور پامالی ہے، قانون کے چوکیداروں کے ہاتھوں بغیر وارنٹ گرفتاری قانون کی توہین ہے۔

قومی خبریں سے مزید