پی ایف یو جے نے آج ملک گیر احتجاج کا اعلان کردیا

محسن بیگ کی گرفتاری اور نیوز ون ٹی وی چینل کی بندش کے خلاف پاکستان فیڈرل یونین آف جرنلسٹس نے آج ملک گیر احتجاج کا اعلان کردیا۔

تنظیم کی جانب سے صحافی یونینوں کو آج ملک کے تمام بڑے شہروں کے پریس کلبوں کے باہر احتجاجی مظاہرے کرنے کی ہدایت کی گئی ہے۔

پی ایف یو جے نے کہا کہ عمران سرکار کی سفاکیت کے خلاف تمام میڈیا برادری متحد ہے۔

واضح رہے کہ ایف آئی اے نے کارروائی کے دوران محسن بیگ کے گھر پر چھاپہ مارنے کے بعد انہیں حراست میں لے لیا تھا۔