• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

روس یوکرین راہداریاں کھولنے پر اتفاق، شہریوں کا انخلاء

تازہ ترین
بین الاقوامی خبریں
10 مارچ ، 2022


روس اور یوکرین کے درمیان راہداریاں کھولنے پر اتفاق ہو گیا جس کے بعد شہریوں کا انخلاء شروع ہو گیا۔

صدر زیلنسکی نے کیا کہا؟

یوکرین کے صدر ولودومیر زیلنسکی کا اس حوالے سے کہنا ہے کہ یوکرین سے گزشتہ روز 35 ہزار افراد نے انخلاء کیا ہے۔

انہوں نے بتایا کہ یوکرین کے دارالحکومت کیف کے گرد و نواح، اینر ہودر اور سمی کی راہداری سے انخلاء کی اجازت ہے۔

یوکرین روس کو جنگ میں ہرا سکتا ہے: امریکی وزیرِ خارجہ

امریکی وزیرِ خارجہ انٹونی بلنکن کی جانب سے دعویٰ کیا گیا ہے کہ یوکرین روس کو جنگ میں ہرا سکتا ہے۔

یوکرینی صدر ولودومیر زیلنسکی کا مزید کہنا ہے کہ شہریوں کے انخلاء کے لیے مزید 3 راہداریاں بنائی جائیں گی۔

ان کا یہ بھی کہنا ہے کہ یوکرین کی جنوب مشرقی سرحد پر 2 اور مشرقی سرحد پر 1 راہداری بنائی جائے گی۔

واضح رہے کہ روس اور یوکرین کی جانب سے گزشتہ روز مزید راہداریاں کھولنے پر اتفاق کیا گیا تھا۔

یو این ایچ سی آر کے مطابق یوکرین سے اب تک 21 سے 22 لاکھ شہری انخلاء کر چکے ہیں۔

روس نے یوکرین پر حملہ کب کیا؟

یوکرین نہیں بچتا تو یورپ بھی نہیں بچے گا: یوکرینی صدر

پڑوسی ملک روس کی جانب سے جنگ کا شکار ہونے والے ملک یوکرین کے صدر ولودومیر زیلنسکی نےنو فلائی زون قرار نہ دینے کے نیٹو کے فیصلے کی مذمت کرتے ہوئے کہا ہے کہ یوکرین نہیں بچتا تو یورپ بھی نہیں بچے گا۔

یاد رہے کہ گزشتہ ماہ 24 فروری کو روس نے اپنے پڑوسی ملک یوکرین پر حملہ کر دیا تھا۔

اب تک کی جنگ میں دونوں جانب کے سینکڑوں فوجی اور یوکرینی شہری ہلاک اور زخمی ہو چکے ہیں۔

بین الاقوامی خبریں سے مزید