حکومت عدم اعتماد کی تحریک پر دھمکیوں یا تشدد کے بغیر ووٹنگ کی اجازت دے، ہیومن رائٹس واچ

17 مارچ ، 2022

انسانی حقوق کی خلاف ورزیوں کی نگرانی کرنے والے عالمی ادارے ’ہیومن رائٹس واچ‘ نے کہا ہے کہ حکومت کی ذمہ داری ہے کہ وہ آئین پر چلے اور عدم اعتماد کی تحریک پر دھمکیوں یا تشدد کے بغیر ووٹنگ کی اجازت دے۔

ہیومن رائٹس واچ کی ایشیاء کے لئے ایسوسی ایٹ ڈائریکٹر پیٹریشیا گوسمین نے اپنے بیان میں کہا ہے کہ حکومت اور اپوزیشن جمہوری عمل کو سبوتاژ نہ کریں اور اپنے حامیوں سے کہیں کہ اشتعال یا کسی مجرمانہ اقدامات سے ووٹ کو مجروح نہ کریں۔

پیٹریشیا گوسمین کا کہنا ہے کہ پاکستان میں ممکنہ طور پر تشدد پر مبنی تصادم کے لئے اسٹیج تیار ہوگیا ہے۔ حکومت کی ذمہ داری ہے کہ وہ آئین پر چلے اور عدم اعتماد کی تحریک پر دھمکیوں یا تشدد کے بغیر ووٹنگ کی اجازت دے۔

قومی خبریں سے مزید