پیوٹن کی گرل فرینڈ اُنہیں یوکرین پر حملوں سے روک سکتی ہیں؟

22 مارچ ، 2022

روس کے صدر ولادیمیر پیوٹن کی مبینہ گرل فرینڈ اور ان کے دو بچوں کی والدہ علینا کبایوا سے پیوٹن کو حملے کرنے سے روکنے پر قائل کرنے کا زور بڑھنے لگا۔

غیر ملکی میڈیا رپورٹس کے مطابق علینا کبایوا کو اُن کی خواتین سہیلیوں نے ماسکو جا کر صدر کو جنگ کے خاتمے کے لیے قائل کرنے کے لیے کہا ہے۔

رپورٹ میں ایک ذرائع کا حوالہ دیتے ہوئے انکشاف کیا گیا کہ علینا کی خواتین سہیلیاں انہیں پیوٹن کے پاس جا کر انہیں جنگ ختم کرنے پر آمادہ کرنے کی منتیں کر رہی ہیں۔

یہ بھی پڑھیے

سہیلیوں کی جانب سے کہا جارہا ہے کہ پیوٹن کسی کی بات نہیں سُن رہے، شاید وہ اپنی محبوبہ کی بات مان لیں اور یوکرین میں جنگ بندی کا اعلان کردیں۔

ایسے میں علینا کا کہنا ہے کہ ان حالات میں صدر پیوٹن کے ارد گرد سیکورٹی غیر معمولی ہوگی، انہیں نہیں معلوم کہ آیا وہ صدر پیوٹن سے ملاقات بھی کرسکتی ہیں یا نہیں ، اگر ملاقات ہوجاتی ہے اور وہ قائل بھی ہوجاتے ہیں تو اس کے لیے انہیں بھاری قیمت ادا کرنی پڑ سکتی ہے۔

علینا نے کہا کہ وہ نہیں جانتی کہ صدر پیوٹن سے ملاقات کے بعد آیا وہ اپنے بچوں کے ساتھ رہنے کے لیے دوبارہ باہر نکل سکیں گی یا نہیں، یہ کہنا قبل از وقت ہوگا۔

خیال رہے کہ علینا اولمپک گولڈ میڈل جیتنے والی ایتھلیٹ ہیں، علینا کے مبینہ طور پر پیوٹن کے ساتھ 4 بچے ہیں۔

بین الاقوامی خبریں سے مزید