وزیر اعظم عمران خان پر الیکشن کمیشن نے 50 ہزار روپے جرمانہ کر دیا

وزیر اعظم عمران خان پر درگئی میں جلسے سے خطاب کرنے کے معاملے پر الیکشن کمیشن نے جرمانہ عائد کردیا۔

الیکشن کمیشن کے مطابق ڈی ایم او مالا کنڈ نے وزیر اعظم کو 50 ہزار روپے جرمانہ کردیا، جرمانہ انتخابی ضابطہ اخلاق کی خلاف ورزی پر کیا گیا۔

الیکشن کمیشن کا کہنا ہے کہ عمران خان کو وضاحت کے لیے 22 مارچ کو طلب کیا گیا۔

وزیراعظم کے مجوزہ دورہ مانسہرہ کا الیکشن کمیشن نے نوٹس لے لیا

الیکشن کمیشن کا کہنا ہے کہ وزیراعظم نےدورہ کیا توضابطہ اخلاق کی شق 16 کے تحت کارروائی ہوگی، ضابطہ اخلاق کی شق 16صدر، وزیر اعظم،ارکان اسمبلی کو انتخابی جلسوں میں شرکت سے روکتی ہے۔

اعلامیے کے مطابق وزیر اعظم ڈی ایم او آفس میں ذاتی حیثیت یا وکیل  کے ذریعے پیش نہ ہوئے، عمران خان کو آج دوبارہ وضاحت کے لیے بلایا گیا تھا لیکن وہ پیش نہ ہوئے۔

الیکشن کمیشن  نے وزیر اعلیٰ محمود خان پر بھی 50 ہزار روپے جرمانہ عائد کردیا، اس کے ساتھ ساتھ مراد سعید، علی زیدی پر  بھی50، 50 ہزار روپے جرمانہ کیا گیا۔

الیکشن کمیشن کی جانب سے وزیر اعظم، وزراء کو جرمانے کی رقم 27 مارچ تک جمع کروانے کی ہدایت کی گئی ہے، جبکہ الیکشن کمیشن وزیر اعظم اور ان وزراء کو پہلے بھی 2 مرتبہ جرمانہ کر چکا ہے۔