یوکرینی فوج کی  اعلیٰ قیادت کی جانب سے دعویٰ کیا جا رہا ہے کہ روس 9 مئی تک جنگ ختم کرنا چاہتا ہے ۔

یوکرینی صحافی ایجنسی ’دی کیف انڈیپینڈنٹ ‘ کے مطابق یوکرین کی مسلح افواج کے جنرل اسٹاف انٹیلی جنس کا کہنا ہے کہ روس 9 مئی تک جنگ ختم کرنا چاہتا ہے۔

دی کیف انڈیپینڈنٹ کے مطابق روس کے فوجیوں کو کہا جا رہا ہے کہ جنگ 9 مئی تک ختم ہو جانی چاہیے۔

یاد رہے کہ روس کی جانب سے یوکرین میں جنگ کا آغاز گزشتہ ماہ 24 فروری کو کیا گیا تھا۔

واضح رہے کہ ہر سال 9 مئی کو روس بھر میں عام تعطیل کا اعلان کیا جاتا ہے، روس اس دن اپنی عظیم حب الوطنی کی جنگ (1941-1945) کے خاتمے کا جشن مناتا ہے۔

روسی صحافی کا یوکرین کے لیے اپنا نوبیل انعام نیلام کرنے کا اعلان

دمتری موراتوف روسی اخبار نووایا گیزٹ کے ایڈیٹر اِن چیف ہیں،

روس 9 مئی کو جیت کا جشن کیوں مناتا ہے؟

30 اپریل 1945 کو ہٹلر نے خودکشی کر لی تھی، ہٹلر کی خودکشی کے کچھ ہی دنوں بعد برلن سوویت یونین کے قبضے میں چلا گیا تھا جبکہ جرمن مسلح افواج نے 7 مئی 1945 کو مغرب میں اور 9 مئی 1945ء کو مشرق میں غیر مشروط طور پر ہتھیار ڈال د یئے تھے۔