عمران خان نے علیم خان کا بہت ساتھ دیا، علی زیدی

پاکستان تحریک انصاف (پی ٹی آئی) سندھ کے صدر علی زیدی نے کہا ہے کہ علیم خان پارٹی میں آئے تو لوگوں نے اعتراضات اٹھائے، اس وقت عمران خان نے ان کا بہت ساتھ دیا۔

اپنے بیان میں علی زیدی کا کہنا تھا کہ جو گفتگو علیم خان نے کی، اتنا کسی کو گرتے ہوئے نہیں دیکھا۔

خان صاحب اگر سچے ہیں تو باہر نکلیں، سامنے آکر بات کریں، علیم خان

علیم خان نے کہا کہ جتنا ساتھ میں نے عمران خان کا دیا ہے اس سے آدھی بھی کسی نے دی ہے تو اس کا نام بتائیں۔

انہوں نے کہا کہ علیم خان پرویز الہٰی کی کابینہ میں 5 سال وزیر رہے تھے، جب علیم خان پی ٹی آئی میں آئے تو لوگوں نے اعتراضات اٹھائے تھے۔ 

علی زیدی کا کہنا تھا کہ عمران خان نے اُس وقت علیم خان کا بہت ساتھ دیا تھا۔

انہوں نے کہا کہ سب جانتے ہیں پاکستان اس وقت بیرونی سازشوں کا شکار ہے، 3 چوہے بیرونی آلہ کار بن کر ملک کو نقصان پہنچا رہے ہیں۔

سابق وفاقی وزیر کا کہنا تھا کہ علیم خان آج ان چوہوں کے ساتھ جا کر بیٹھ گئے، انہوں نے اپنی حیثیت حمزہ شہباز جتنی کرلی۔