فرمان الہی
نماز کے اوقات
پاکستان شوبز انڈسٹری کی معروف اداکارہ و ماڈل عائشہ عُمر نے چیئرمین پی پی اور سابق پی ٹی آئی رہنما ڈاکٹر عامر لیاقت حسین کو مفید مشورے دے دیے۔
عائشہ عُمر نے سینئر اداکار نعمان اعجاز کے پروگرام میں شرکت کی جو کہ نجی ٹی وی چینل پر نشر کیا جاتا ہے۔
پروگرام میں عائشہ عُمر نے اپنے کیرئیر اور نجی زندگی سمیت مختلف موضوعات پر گفتگو کی۔
اسی دوران ایک سیگمنٹ میں میزبان نعمان اعجاز نے عائشہ عُمر کو کچھ مشہور شخصیات کے نام بتائے اور اُن سے پوچھا کہ وہ انہیں کونسا مشورہ دینا چاہیں گی۔
نعمان اعجاز چیئرمین پی پی بلاول بھٹو زرداری کا نام لیا جس پر اداکارہ نے کہا کہ بلاول کی اُردو کافی بہتر ہورہی ہے اور میں مشورہ دوں گی کہ وہ مزید اپنی اُردو کو بہتر کریں تاکہ کامیابی کی بلندیوں پر جائیں۔
ڈاکٹر عامر لیاقت حسین کے نام پر عائشہ عُمر نے کہا کہ میں انہیں مشورہ دوں گی کہ اپنی نجی زندگی کو اپنے تک ہی رکھیں، عوامی سطح، سوشل میڈیا اور ٹی وی پر نجی زندگی کے بارے میں بات نہ کریں۔
واضح رہے کہ اسی پروگرام کے دوران پاکستان کی معروف خاتون نجومی سامعیہ خان نے دعویٰ کیا تھا کہ عائشہ عمر رواں سال دسمبر میں شادی کے بندھن میں بندھ جائیں گی۔
