لاہور کا لڑکا لاپتہ ہونیوالی لڑکی سے رابطے میں تھا: پولیس

کراچی کے علاقے ملیر اور ملحقہ علاقے سے ایک ہفتے کے دوران دوسری لڑکی کے لاپتہ ہونے کی تصدیق ہو گئی، جبکہ پولیس نے بتایا ہے کہ لاہور سے تعلق رکھنے والا ایک لڑکا ایک ماہ سے لڑکی سے رابطے میں تھا۔

20اپریل کو سعود آباد سے 14 سالہ لڑکی نمرہ کاظمی لاپتہ ہو گئی۔

مذکورہ لاپتہ ہونے والی لڑکی کی والدہ نے بتایا ہے کہ نمرہ ملیر سعود آباد ایس ون ایریا سے لاپتہ ہوئی ہے۔

انہوں نے بتایا کہ میں صبح 9 بجے کام سے گئی تھی، واپس آئی تو نمرہ غائب تھی، کافی تلاش کے باوجود تاحال اس کا کچھ پتہ نہیں چل سکا۔

کراچی: الفلاح سے 14 سالہ لڑکی لاپتہ، اغوا کا مقدمہ درج، وزیراعلیٰ نے رپورٹ طلب کرلی

کراچی کے علاقے الفلاح ٹاؤن سے 14 سال کی لڑکی، مبینہ طور پر لاپتہ ہوگئی۔پولیس نے اغوا کی دفعہ کے تحت مقدمہ درج کرکے تحقیقات شروع کردی۔ وزیراعلیٰ سندھ نے واقعے کا نوٹس لیتے ہوئے ایڈیشنل آئی جی کراچی سے فوری پیش رفت رپورٹ طلب کرلی۔

لڑکی کی والدہ نے بتایا کہ نمرہ دسویں جماعت کی طالبہ ہے، جس کے امتحانات ہونے والے تھے۔

نمرہ کی والدہ نے اپیل کی ہے کہ وزیرِ اعلیٰ سندھ، آئی جی پولیس اور دیگر اعلیٰ حکام بچی کو بازیاب کرائیں۔

پولیس کے مطابق بچی کے لاپتہ ہونے کا مقدمہ سعود آباد تھانے میں درج کر لیا گیا ہےاور لڑکی کی تلاش شروع کر دی گئی ہے۔

ایس پی شاہ فیصل وجاہت حسین نے سعود آباد سے لاپتہ ہونے والی نمرہ کے اہلِ خانہ سے ملاقات کی ہے۔

اس موقع پر میڈیا سے گفتگو کرتے ہوئے انہوں نے بتایا کہ واقعے کی سی سی ٹی وی فوٹیجز دیکھ رہے ہیں، ایک لڑکا ایک ماہ سے نمرہ سے رابطے میں تھا۔

ایس پی شاہ فیصل وجاہت حسین نے بتایا کہ لڑکے کی لوکیشن لاہور کی ہے، لڑکی کو ٹریس کرنے کی کوشش کر رہے ہیں، واقعے کی مختلف پہلوؤں سے تحقیقات کی جائے گی۔