سیالکوٹ: گندم کی فصل جلنے کا واقعہ، وزیراعظم کا متاثرہ کسانوں کی مالی امداد کا حکم

پنجاب کے شہر سیالکوٹ میں گندم کی فصل جلنے کا واقعہ پیش آیا ہے، وزیراعظم شہباز شریف نے متاثرہ کسانوں کی مالی امداد کا حکم دے دیا۔

وزیر اعظم نے پنجاب حکومت کو حکم دیتے ہوئے کہا کہ جن کسانوں کی فصل جل گئی، انہیں فوری امدادی چیک دیں۔

ملک میں بجلی کی لوڈشیڈنگ بڑھنے پر وزیراعظم شہباز شریف برہم

وزیر اعظم نے کہا کہ عمران حکومت نے بجلی کا ایک نیا یونٹ سسٹم میں شامل نہیں کیا، بروقت ایندھن خریدا گیا نہ کارخانوں کی مرمت کی گئی۔

وزیراعظم نے ہدایت کرتے ہوئے کہا کہ رمضان المبارک ہے، مشکل وقت میں کسانوں کی بھرپور مدد کی جائے۔

 بجوات سیکٹر سیالکوٹ میں کل 77 ایکڑ پر گندم کی تیار فصل کو آگ لگ گئی تھی، سرکاری رپورٹ کے مطابق سیالکوٹ میں 15 کاشتکاروں کی گندم کی تیار فصل جلی ہے۔