سیکریٹری پنجاب اسمبلی کی ممکنہ گرفتاری، پولیس عدالت پہنچ گئی

سیکریٹری پنجاب اسمبلی کی ممکنہ گرفتاری کے لیے پولیس لاہور ہائی کورٹ پہنچ گئی۔

ذرائع کے مطابق سیکریٹری پنجاب اسمبلی محمد خان بھٹی لاہور ہائی کورٹ میں موجود ہیں، ان کے وکلاء بھی احاطۂ عدالت میں موجود ہیں۔

پولیس محمد خان بھٹی کے ہائی کورٹ سے نکلنے کا انتظار کر رہی ہے۔

پنجاب اسمبلی کے افسر عنایت اللّٰہ لک کو پولیس نے حراست میں لے لیا

پولیس نے ایکشن لیتے ہوئے پنجاب اسمبلی کے گریڈ 20 کے افسر عنایت اللّٰہ لک کو حراست میں لے لیا۔

اس سے قبل پنجاب اسمبلی کے سیکریٹری کوآرڈینیشن عنایت اللّٰہ لک کو آج صبح لاہور ہائی کورٹ جاتے ہوئے گورنر ہاؤس کے سامنے سے گرفتار کیا گیا تھا۔

پولیس ذرائع کے مطابق پنجاب اسمبلی کے سیکریٹری کوآرڈینیشن عنایت اللّٰہ لک کو 3 ایم پی او کے تحت حراست میں لیا گیا۔

پولیس ذرائع کا کہنا ہے کہ عنایت اللّٰہ لک کی جانب سے اسمبلی اجلاس میں کسی ناخوش گوار واقعے کا خدشہ تھا۔