آصف زرداری نے اپنے چاہنے والوں کا شکوہ دور کردیا

سابق صدر آصف علی زرداری نے اپنے چاہنے والوں کا شکوہ دور کرتے ہوئے کہا ہے کہ آپ کو شکوہ ہے کہ میں کم آتا ہوں، اب آنا جانا رہے گا، میں آپ کے ساتھ عید منانے آیا ہوں۔

زرداری ہاؤس میں میڈیا سے گفتگو کرتے ہوئے آصف زرداری نے کہا کہ الحمداللّٰہ ہمیں پچاس فیصد کامیابی ملی ہے، حق کی فتح ہوتی ہے لیکن مشکلات آتی ہیں۔

آصف علی زرداری نے مزید کہا کہ ابھی ہمیں کے پی کے اور بلوچستان جیتنا ہے۔

واضح رہے کہ ملک بھر میں عیدالفطر آج مذہبی عقیدت اور جوش و جذبے کے ساتھ منائی جارہی ہے۔

عمران خان کا ماہِ رواں کے آخر میں ”غلامی نامنظور“ مارچ کرنے کا اعلان

سابق وزیراعظم اور چیئرمین پی ٹی آئی عمران خان نے پاکستانی قوم کو عیدالفطر کی مبارکباد دیتے ہوئے کہا ہے کہ ماہِ رواں کے آخر میں ''غلامی نامنظور'' کے عنوان سے اسلام آباد کی طرف مارچ ہوگا اور وہ جلد اس تاریخی مارچ کی تاریخ کا اعلان کریں گے۔

کراچی، اسلام آباد، پشاور اور کوئٹہ سمیت ملک کے تمام چھوٹے بڑے شہروں میں مساجد، عیدگاہوں اور کھلے میدانوں میں نماز عید کے اجتماعات میں ملکی سلامتی، ترقی اور بقاء کے لیے دعائیں کی گئیں۔ 

اس موقع پر مقبوضہ کشمیر اور فلسطین کے لئے بھی خصوصی دعائیں کی گئیں۔