پہلے ہی کہا تھا عمران خان نہیں بچے گا، آصف علی زرداری

سابق صدر اور پاکستان پیپلز پارٹی کے شریک چیئرمین آصف علی زرداری نے کہا ہے کہ پہلے ہی کہا تھا عمران خان نہیں بچے گا، بہت دوست پوچھتے تھے یہ کیسے ہوگا، کہا تھا میں نہیں گراؤں گا، عمران اپنے فعل سے خود ہی گرے گا۔

نواب شاہ میں عید مِلن پارٹی سے خطاب کرتے ہوئے آصف علی زرداری نے کہا کہ پیپلز پارٹی شہید بی بی صاحبہ کی امانت ہے، زمانے کے بہت رنگ دیکھے، جیل بھی دیکھا اور صدراتی محل بھی۔

انہوں نے کہا کہ کوششیں بڑی ہیں، جھگڑا بھی بڑا ہے، یہ نئی بات نہیں، جھگڑا مظلوم اور ظالم میں چل رہا ہے۔

آصف علی زرداری نے کہا کہ ملک سپورٹ، جفاکشی اور لوگوں کی طاقت سے چلتے ہیں۔

آصف زرداری نے کہا کہ پرویز الہیٰ وعدہ کرکے بھاگ گیا، بڑا بھائی میرے ساتھ کھڑا ہے۔