عمران اشرف نے اپنا سر کیوں منڈوالیا؟

06 مئی ، 2022

پاکستانی معروف اداکار عمران اشرف نے حال ہی میں ایک ویڈیو شیئر کی ہے جس میں وہ اپنا سر منڈواتے ہوئےنظر ارہے ہیں۔

اداکار عمران اشرف کا سوشل میڈیا پر بتانا ہے کہ ’وہ اپنی فلم دم مستم کے لیے گنجے ہوئے تھے اور یہی وجہ ہے کہ اُن کے دو ڈراموں ’رقصِ بسمل‘ اور ’بدذات‘ کے درمیان غیر معمولی وقفہ آیا ہے۔‘

عمران اشرف نے اپنی انسٹا گرام اکاؤنٹ پوسٹ پر مداحوں کے لیے مزید لکھا ہے کہ ’میں آپ کی محبت حاصل کرنے کی کوشش جاری رکھوں گا۔‘

واضح رہے کہ اس عید پر پاکستانی سینما نے 4 فلمیں ریلیز کی ہیں جن میں ’پردے میں رہنے دو‘، ’گھبرانا نہیں ہے‘، ’دم مستم‘ اور ’چکر‘ شامل ہے۔

فلم ’پردے میں رہنے دو‘ اور ’گھبرانا نہیں ہے‘ پاکستان کے سب سے بڑے میڈیا نیٹ ورک جیو کے بینر تلے ریلیز کی گئی ہیں جنہیں سینما ہاؤس میں بے حد پزیرائی مل رہی ہے۔

انٹرٹینمنٹ سے مزید