رمیز راجا نے 6 ماہ میں کتنے اخراجات کیے؟ تفصیل سامنے آگئی

چیئرمین پاکستان کرکٹ بورڈ (پی سی بی) رمیز راجا کے 6 ماہ کے اخراجات کی تفصیل سامنے آگئی۔

پاکستان کرکٹ بورڈ کو پی ایس ایل 7 سے 2 ارب سے زائد کا منافع

پاکستان کرکٹ بورڈ (پی سی بی) کو پاکستان سپر لیگ (پی ایس ایل) سیزن 7 سے 2 ارب روپے سے زائد کا منافع ہوا ہے۔

پی سی بی نے اپنے چیئرمین کے 6 ماہ کے اخراجات کی تفصیل ویب سائٹ پر جاری کردی ہے۔

دستاویزات کے مطابق رمیز راجا نے 6 ماہ میں 39 لاکھ 17 ہزار روپے کی رقم خرچ کی، انہوں نے صرف وہیکل الاؤنس کی مد میں 5 لاکھ 77 ہزار روپے سے زائد رقم خرچ کی۔

رمیز راجا نے 6 ماہ کے دوران موبائل، سیکیورٹی اور میڈیکل کی مد میں 4 لاکھ 15 ہزار روپے لیے گئے۔

پی سی بی کا سینٹرل کنٹریکٹ میں معاوضہ بڑھانے کا فیصلہ

پاکستان کرکٹ بورڈ (پی سی بی ) نے سینٹرل کنٹریکٹ میں معاوضے بڑھانے کا فیصلہ کیا ہے۔

دستاویزات کے مطابق اندرون ملک سفر پر 26 لاکھ 78 ہزار 985 روپے اور غیر ملکی دوروں پر 2 لاکھ 39 ہزار روپے سے زائد خرچ ہوئے۔

پی سی بی حکام کے مطابق اخراجات کی تفصیلات جاری کرنا یا نہ کرنا چیئرمین رمیز راجا کا استحقاق ہے۔

رمیز راجا کے اخراجات اپ ڈیٹ نہ کرنے پر گزشتہ روز میڈیا پر خبر چلی تھی، جس کے 24 گھنٹے بعد پی سی بی نے اخراجات کی تفصیل جاری کردی۔