-
فرمان الہی
-
نماز کے اوقات
- جمعرات 9؍شوال المکرم 1445ھ18؍اپریل 2024ء
- بانی: میرخلیل الرحمٰن
- گروپ چیف ایگزیکٹووایڈیٹرانچیف: میر شکیل الرحمٰن
فرمان الہی
نماز کے اوقات
بھارتی اداکارہ اور ماڈل دیا مرزا فلائٹ کا رخ موڑنے اور 3 گھنٹے اُس میں انتظا کرانے پر ایئرلائن حکام پر پھٹ پڑیں۔
بھارتی میڈیا رپورٹ کے مطابق دیا مرزا اپنی حالیہ پرواز کا رخ موڑے جانے پر ایئر لائن پر سیخ پا ہوگئیں۔
ان کا کہنا تھا کہ جہاز سے اترنے سے پہلے مجھے اور دیگر مسافروں کو کئی گھنٹے انتظار کرنا پڑا اور وہاں انتظامیہ میں سے کوئی مدد گار بھی نہ تھا۔
دیا مرزا جنہوں نے دوران پرواز ایک مشکل وقت گزارا، فلائٹ کا پہلے تو رخ موڑا گیا اور پھر اداکارہ سمیت تمام مسافروں کو 3 گھنٹے انتظار کرنا پڑا۔
سماجی رابطے کی ویب سائٹ پر بھارتی اداکارہ نے 20 مئی بروز جمعہ فلائٹ منسوخ ہونے کے بعد ایئرلائن سے مدد نہ ملنے پر شکایت کی اور کہا کہ اس دوران میرا اور دیگر مسافروں کا سامان غائب تھا۔
دیا مرزا نے سماجی رابطے کی ویب سائٹ پر پورا واقعہ تحریر کیا اور بتایا کہ وہ ممبئی سے بذریعہ پرواز دہلی آرہی تھیں، لیکن فلائٹ کا رخ موڑ کر اُسے جے پور میں لینڈ کیا گیا۔
انہوں نے مزید کہا کہ اس موقع پر مسافروں سے کہا گیا کہ وہ اترنے سے پہلے 3 گھنٹے تک فلائٹ کے اندر انتظار کریں، اس کے بعد بتایا گیا کہ پرواز منسوخ کردی گئی ہے اور آپ لوگ اتر جائیں۔
اداکارہ نے یہ بھی کہا کہ ایئرپورٹ پر انتظامیہ نے ہمارے سامان سے متعلق کوئی مدد کی پیشکش کی نہ ہی اس متعلق جواب دیا۔
دیا مرزا اپنی اگلی فلم دھک دھک کے ذریعے فلم بینوں کو پردے پر نظر آئیں گی، فلم کو تاپسی پنو و دیگر نے پروڈیوس کیا ہے، جو 2023 میں ریلیز کی جائے گی۔
