حکومت کی PTI سے معاہدے کی تردید

وزیر اطلاعات مریم اورنگزیب نے وفاقی حکومت اور پی ٹی آئی کےدرمیان معاہدے کی خبروں کی تردید کردی۔

سماجی رابطے کی ویب سائٹ ٹوئٹر پر اپنے بیان میں وزیر اطلاعات مریم اورنگزیب نے بتایا کہ پی ٹی آئی سے کوئی معاہدہ نہیں ہوا ہے۔

انہوں نے کہا کہ حکومت اور تحریک انصاف کے درمیان مذاکرات اور معاہدہ کی خبر بےبنیاد ہے۔

وزیر اطلاعات نے مزید کہا کہ پولیس اہلکاروں کو شہید کرنے والے مسلح جتھےکے ساتھ کوئی معاہدہ نہیں کیا گیا۔

وزرات داخلہ کی جانب سے بھی کہا گیا ہے کہ پی ٹی آئی کے ساتھ کوئی معاہدہ طے نہیں پایا، سپریم کورٹ میں تحریک انصاف کیجانب سے تحریری یقین دہانی کرائی جاسکتی ہے۔

وزرات داخلہ کا کہنا ہے کہ تحریری یقین دہانی کے بعد ہی حکومت بھی سپریم کورٹ میں اپنا جواب دے گی۔