پنجاب، پی ٹی آئی کے ایک ہزار سے زائد کارکن گرفتار

آئی جی پنجاب کے ڈی ایس پی لیگل کی طرف سے جاری تفصیلات کے مطابق پنجاب بھر سے تحریک انصاف ( پی ٹی آئی) کے 1 ہزار 756 افراد کو گرفتار کیا گیا۔

رپورٹس کے مطابق فیصل آباد میں پی ٹی آئی کے گرفتار 48 کارکنوں کی نظربندی کے احکامات جاری کردیئے گئے جبکہ گرفتار افراد کو 7 روز کے لیے نظربند اور جیل منتقل کردیا گیا۔ سیالکوٹ میں 200 افراد کیخلاف مقدمہ درج کیا گیا۔

مجمع میں کچھ لوگوں کے پاس ہتھیار ہونے کی اطلاعات ملی ہیں، آئی جی اسلام آباد

آئی جی اسلام آباد اکبر ناصر خان نے کہا ہے کہ ہمیں اطلاعات ملی ہیں کہ اس مجمع میں کچھ لوگوں کے پاس ہتھیار ہیں، تمام شرکاء سے گزارش ہے کہ یہ سیاسی عمل ہے اس کو پُرامن رکھیں۔

دوسری جانب ٹنڈوالہ یار میں 22 زیرحراست کارکن اور سکھر میں پی ٹی آئی کے تمام گرفتار رہنما اور کارکن رہا کردیئے گئے۔

حیدرآباد میں ریلی کے شرکاء پر پولیس نے لاٹھی چارج کیا اور دفعہ 144 کی خلاف ورزی پر 14 افراد کو گرفتار کرلیا۔