منیب بٹ اور فیروز خان، ڈاکٹر یاسمین راشد کی ہمت اور بہادری کے معترف

26 مئی ، 2022

معروف پاکستانی اداکار منیب بٹ اور فیروز خان نے پاکستان تحریک انصاف کی رہنما ڈاکٹر یاسمین راشد کی ہمت اور بہادری کی تعریف کی ہے۔

اداکار منیب بٹ نے اپنی انسٹا اسٹوری پر گزشتہ روز پولیس کی جانب سے ڈاکٹر یاسمین راشد کو روکنے کے لیے ان کی گاڑی پر دھاوا بولنے کی ویڈیو شیئر کی جوکہ سوشل میڈیا پر بھی وائرل ہے۔

اس ویڈیو میں میں دیکھا جاسکتا ہے کہ پولیس کی جانب سے ڈاکٹر یاسمین راشد کی گاڑی کو روکنے کی کوشش کے دوران ان کی گاڑی کی ونڈ اسکرین توڑ دی گئی لیکن اس کے باوجود بھی گاڑی پولیس کا حصار توڑتے ہوئے آگے نکل گئی۔

اُنہوں نے یہ ویڈیو شیئر کرتے ہوئے لکھا کہ’یہ حقیقی بااختیاری ہے۔‘

دوسری جانب اداکار فیروز خان نے اپنی انسٹا اسٹوری پر ڈاکٹر یاسمین کی اس جرت اور بہادری کی حوصلہ افضائی کے لیے کی گئی پوسٹ شیئر کی ہے۔

اُنہوں نے ڈاکٹر صاحبہ کی تعریف کرتے ہوئے لکھا کہ’یہ جیت ہے ڈاکٹر یاسمین کی۔‘

منیب بٹ اور فیروز خان، ڈاکٹر یاسمین راشد کی ہمت اور بہادری کے معترف

اُنہوں نے مزید لکھا کہ’ڈاکٹر یاسمین ایک جنگجو اور محبِ وطن خاتون ہیں۔‘

خیال رہے کہ پاکستان تحریک انصاف کی رہنما ڈاکٹر یاسمین راشد کی گاڑی کے پولیس نے شیشے توڑ دیئے تھے۔

جبکہ اس سے قبل ڈاکٹر یاسمین راشد نے میڈیا سے گفتگو کے دوران کہا تھا کہ میری گاڑی کی چابی چھیننے کی کوشش کی گئی ہے، میرے ساتھ بدتمیزی اور ہاتھا پائی کی گئی ہے۔

انٹرٹینمنٹ سے مزید