بھارت میں شوہر نے چاول نہ پکانے پر بیوی کو قتل کردیا

بھارت میں ایک شخص نے صرف چاول نہ پکانے پر اپنی بیوی کو تشدد کرکے قتل کردیا۔

بھارتی میڈیا کی رپورٹ کے مطابق، بھارت کے علاقے بھیونڈی میں شنکر واگھمارے نامی ایک شخص نےچاول نہ پکانے پر اپنی بیوی پر لکڑی کی چھڑی سے تشدد کرکے اسے قتل کردیا۔

رپورٹ کے مطابق، 23 سالہ ملزم شنکر واگھمارے جوکہ پیشے سے ایک کباڑیہ ہے، اس نے مبینہ طور پر اپنی 20 سالہ بیوی کو لکڑی کے ڈنڈے سے پیٹا۔

شنکر واگھمارے کے پڑوسیوں کے مطابق،  واگھمارے اور جیوتسنا کی شادی ایک سال قبل ہوئی تھی اور اس جوڑے کے درمیان اکثر چھوٹی موٹی باتوں پر جھگڑا ہوتا رہتا تھا۔

بھارت: گرفتاری کے خوف سے نوجوان لڑکی نے زہریلی دوا پی کر خودکشی کرلی

بھارتی ریاست اتر پردیش کے شہر میرٹھ میں ایک 19 سالہ لڑکی نے گرفتاری کے خوف سے چوہے مارنے والا زہر پی کر خودکشی کرلی۔

اس کیس کے تفتیشی افسر، انسپکٹر اتل لامبے نے بتایا ہے کہ ’ملزم منگل کو جب گھر گیا تو دونوں میاں بیوی کے درمیان چاولوں پر جھگڑا ہوا۔‘

انہوں نے مزید کہا کہ’یہ جھگڑا اتنا بڑھ گیا کہ واگھمارے نےاپنی بیوی کو لکڑی کی چھڑی سے مارنا شروع کر دیا اور اتنا مارا کہ وہ مرگئی۔‘

اُنہوں  نے بتایا کہ’پڑوسیوں کو واگھمارے کی بیوی کو خون میں لتھڑا ہوا پایا۔‘

جبکہ پوسٹ مارٹم کے نتائج سے معلوم ہوا کہ واگھمارے کی بیوی کے سر، پیٹ اور ریڑھ کی ہڈی پر شدید چوٹیں آئی تھیں۔