دعا زہرا اور اس کے شوہر کی مانسہرہ میں موجودگی کا انکشاف

کراچی سے لاہور پہنچ کر پسند کی شادی کرنے والی دعا زہرا اور اس کے شوہر ظہیر کی مانسہرہ میں موجودگی کا انکشاف ہوا ہے، پولیس نے دعا زہرا اور شوہر کی تلاش کے لیے شہریوں سے مدد مانگ لی۔

 پولیس کا کہنا ہے کہ دعا زہرا اور شوہر کی تلاش میں مدد کرنے والوں کے نام صیغہ راز میں رکھے جائیں گے، دعا زہرا اور اس کے شوہر کو گرفتار کرنے کا ارادہ نہیں رکھتے۔

دعا زہرا اور ظہیر احمد کی اطلاع سے متعلق اشتہار جاری کردیا گیا

پولیس کی جانب سے جاری کیے گئے اشتہار میں دعا زہرا اور ظہیر احمد کی تصاویر بھی جاری کی گئی ہیں۔

پولیس کا کہنا ہے کہ دعا زہرا اور شوہر کی عمر کا تعین کرنے کے لیے عدالت میں پیش کرنا ضروری ہے، پولیس دعا زہرا اور اس کے شوہر کو بھی مکمل قانونی تحفظ فراہم کرے گی۔

پولیس کا کہنا ہے کہ سندھ ہائی کورٹ میں جمع کروائی گئی رپورٹ میں دعا زہرا کی مانسہرہ میں موجودگی کا انکشاف ہوا ہے۔

پولیس کا کہنا ہے کہ دعا زہرا کو وسیم نامی شخص کی گاڑی میں مانسہرہ بالاکوٹ منتقل کیا گیا۔