دعا زہرہ کی بازیابی پر شہلا رضا کا ردِعمل

کراچی سے لاہور پہنچ کر پسند کی شادی کرنے والی دعا زہرہ کب تک گھر واپس پہنچیں گی، پیپلز پارٹی کی رہنما شہلا رضا نے بتادیا۔

دعا زہرہ اور اس کے شوہر ظہیر کو پولیس نے پنجاب سے بازیاب کروالیا ہے جس پر ردِعمل دیتے ہوئے شہلا رضا نے کہا کہ فخر سے کہتی ہوں دعا زہرا بازیاب ہوگئی ہے۔

دعا زہرہ اور شوہر کی بازیابی کے بعد اس کی ساس کا بیان بھی سامنے آگیا

ساس دعا زہرہ نے کہا کہ دعا زہرہ میری بیٹی ہے، اسے اغوا نہیں کیا، وہ خود آئی تھی، واپس بھیجنا چاہا تو اس نے انکار کر دیا۔

پی پی رہنما شہلا رضا کا کہنا ہے کہ دعا زہرہ رات تک کراچی پہنچے گی۔

واضح رہے کہ سی آئی اے پولیس نے دعا اور اس کے شوہر کو ایک وکیل کے گھر سے برآمد کیا جس کے بعد انہیں کراچی پولیس کے حوالے کردیا گیا۔

دعا کے شوہر ظہیر کے سارے اہلخانہ پہلے ہی کراچی پولیس کی حراست میں ہیں۔