وسیم اکرم، حسن علی کے حق میں بول پڑے

قومی کرکٹ ٹیم کے سابق کپتان وسیم اکرم قومی ٹیم کے فاسٹ بولر حسن علی کے حق میں بول پڑے۔

سماجی رابطے کی ویب سائٹ ٹوئٹر پر جاری اپنے ویڈیو بیان میں وسیم اکرم کا کہنا ہے کہ فاسٹ بولر حسن علی کو سپورٹ کریں اس کا پیچھا چھوڑ دیں۔

انہوں نے کہا کہ حسن علی دوسرا اوور کروا رہا ہوتا ہے اور ٹرینڈ چلائے جاتے ہیں کیوں کھلایا؟۔

وسیم اکرم نے کہا کہ حسن علی میچ ونر ہے، بطور سابق کپتان اس کے پیچھے کھڑا ہوں۔

سابق کپتان وسیم اکرم نے اپنے پیغام میں ویسٹ انڈیز  کے خلاف میچ جیتنے پر پاکستان کی ٹیم کو مبارکباد بھی دی۔

پہلا ون ڈے: پاکستان نے ویسٹ انڈیز کو شکست دے دی

ویسٹ انڈیز نے پاکستان کے خلاف پہلے ون ڈے میں ٹاس جیت کر پہلے بیٹنگ کا فیصلہ کیا ہے

خیال رہے کہ گزشتہ روز کھیلے گئے پہلے ایک روزہ میچ میں پاکستان نے مہمان ٹیم ویسٹ انڈیز کو 5 وکٹوں سے شکست دی تھی۔

مذکورہ میچ میں حسن علی نے 10 اوورز میں68 رنز دیے تھے اور کوئی وکٹ نہیں لی تھی۔