شاہد آفریدی خود کو خوش قسمت کیوں سمجھتے ہیں؟

قومی کرکٹ ٹیم کے سابق کپتان اور مایہ ناز آل راؤنڈر شاہد خان آفریدی نے کہا ہے کہ وہ 5 بیٹیوں کے والد ہونے پر خود کو خوش قسمت سمجھتے ہیں۔

سوشل میڈیا پر شاہد آفریدی کے انٹرویو کا ایک ویڈیو کلپ وائرل ہورہا ہے جس میں صحافی اُن سے بیٹے کی خواہش سے متعلق سوال پوچھ رہے ہیں۔

صحافی نے شاہد آفریدی سے سوال کیا کہ ’لالا! آپ کی 5 بیٹیاں ہیں، آپ کو کبھی بیٹے کی خواہش نہیں ہوئی‘۔

شاہد آفریدی نے کہا کہ ’الحمداللّہ! میں بہت خوش قسمت انسان ہوں کیونکہ میری 5 بیٹیاں ہیں‘۔

سابق کرکٹر نے کہا کہ ’اپنی بیٹیوں کو اتنا مضبوط بناؤ اور اس قدر باصلاحیت بناؤ کہ آپ کو کبھی بیٹے کی کمی محسوس ہی نہ ہو‘۔

اُنہوں نے کہا کہ ’ہمارے یہاں بیٹوں کو بہت اہمیت دی جاتی ہے لیکن میں اللّہ تعالیٰ کا شُکر ادا کرتا ہوں کہ مجھے صحت مند اولاد عطا کی اور میرے لیے اس سے بڑی نعمت کوئی نہیں ہے‘۔

میری بیٹیوں کا سوشل میڈیا پر کوئی اکاؤنٹ نہیں ہے: شاہد آفریدی

قومی کرکٹ ٹیم کے سابق کپتان اور مایہ ناز بلے باز شاہد آفریدی نے سوشل میڈیا پر اُن کی بیٹیوں کے اکاؤنٹ کی افواہوں کی تردید کردی ہے۔

شاہد آفریدی نے مزید کہا کہ ’ہمیں ہمارے پیارے نبی ﷺ کی زندگی سے بہت کچھ سیکھنا چاہیے‘۔

واضح رہے کہ شاہد آفریدی 5 بیٹیوں کے باپ ہیں۔ ان کی سب سے چھوٹی بیٹی عروہ سال 2020، فروری میں پیدا ہوئی تھی۔

شاہد آفریدی اکثر سوشل میڈیا پر اپنی بیٹیوں کے ہمراہ تصاویر شیئر کرتے رہتے ہیں جبکہ ماضی میں کئی بار آفریدی کی بیٹیاں والد کو کرکٹ گراؤنڈ میں سپورٹ کرنے بھی جا چکی ہیں۔