• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

لاہور: ایئرپورٹ پر پرندوں کی بھرمار، طیاروں کیلئے مشکلات

تازہ ترین
قومی خبریں
24 جون ، 2022
فائل فوٹو
فائل فوٹو

لاہور کے علامہ اقبال ایئرپورٹ پر پرندوں کی بھرمار کی وجہ سے طیاروں کو لینڈنگ اور ٹیک آف میں مشکلات کا سامنا کرنا پڑ رہا ہے۔

ایئرپورٹ ذرائع کے مطابق حج پرواز پی کے 759 آدھے گھنٹے تک پرواز نہ کرسکی، پرندوں کے غول کی وجہ سے طیارے کو پرواز کی اجازت نہیں ملی۔

ذرائع نے بتایا کہ بحرین، کراچی اور دبئی کی پروازوں کو بھی ٹیک آف میں دشواری کا سامنا رہا جبکہ ایئرپورٹ کے اطراف پرندوں کے تدارک میں کوئی پیش رفت نہیں ہوئی۔

ایئرپورٹ ذرائع نے بتایا کہ سی اے اے کے شوٹرز وقفے وقفے سے رن وے پر برڈ شوٹنگ کر رہے ہیں جبکہ ضلعی انتظامیہ نے ایئرپورٹ کے قریب کچرا کنڈیاں ہٹانے کا کام شروع نہیں کیا۔

واضح رہے کہ گزشتہ روز بھی پی آئی اے طیارے کا ایک انجن پرندہ ٹکرانے سے ناکارہ ہوگیا تھا۔

قومی خبریں سے مزید