لاہور( پ ر)ڈی ایچ اے لاہور اور ایس بی گلوبل آر ایم سی لمیٹڈ کے درمیان مشترکہ تعاون کے ایک معاہدے پر دستخط ہوئے۔ اس سلسلے میں ڈی ایچ اے ہیڈ کوارٹرز لاہور میں تقریب ہوئی جس میں ڈی ایچ اے کے ایڈمنسٹریٹر بریگیڈیئر وحید گل ستی اور ایس بی گلوبل کے سی ای او ثاقب برجیس نے ڈی ایچ اے میں نیٹ زیرو انرجی منصوبہ کے معاہدے پر دستخط کیے۔یہ منصوبہ اسلامک ڈویلپمنٹ REIT کے تحت شروع کیا جائے گا۔اس منصوبے کا ماحول دوست نقطہ نظر ہوگا اور یہ حرارتی اور ایئر کنڈیشننگ کے حصوں میں بجلی کی بڑی کھپت کو دور کرے گا، اور 80% توانائی کی بچت کرے گا،چیف ایگزیکٹو ثاقب برجیس نے کہا کہ پاکستان میں، ہمیں کل سے آگے سوچنے کی ضرورت ہے اور ہم سب کو اپنی نوجوان نسل کے لیے ایک بہترین ماحول کی فراہمی اور تعمیر کے لیے کوشش کرنی چاہیے۔ ایک ایسا مستقبل جو لچکدار، باہم جڑا ہوا، ذمہ دار اور متوازن ہو۔ یہ مستقبل کے لیے ہمارا وژن ہے، اور یہ مستقبل ممکن ہے اور یہ مستقبل اب شروع ہو گا۔ نیٹ زیرو انرجی کے نئے دور کا آغاز، پائیداری پاکستان پر مبنی ماحول دوست تعمیر جلد ہی ڈی ایچ اے لاہور میں شروع ہو گی۔ پاکستان میں جاری توانائی کے بحران اور گرمی کی لہر کا ماحول دوست اور نیٹ زیرو انرجی ہی درست جواب ہوگا۔ ڈی ایچ اے لاہور اور ایس بی گلوبل آر ایم سی لمیٹڈ نے پاکستان میں اس پراجیکٹ کو متعارف کرانے کے لیے ایک معاہدہ کیا ہے۔ یہ منصوبہ بین الاقوامی ایوارڈ یافتہ آرکیٹیکچرل رئیل اسٹیٹ کنسلٹنٹس، عالمی معیار اور جدید فن تعمیر کے طریقوں کے ساتھ ساتھ پاکستان میں براہ راست غیر ملکی سرمایہ کاری لائے گا اور پاکستان میں رئیل اسٹیٹ کی تعمیر کے شعبے کو پائیدار حل فراہم کرنے میں مدد فراہم کرے گا۔ ڈیفنس ہاؤسنگ اتھارٹی لاہور اور ایس بی گلوبل کا پختہ یقین ہے کہ قدرتی ماحول کی بحالی ہماری پائیدار وراثت کی حکمت عملی کی فراہمی کے لیے اہم ہے۔
فرمان الہی
نماز کے اوقات
