وزیرِ اعظم کی اشتہاری سے ملاقات کیخلاف درخواست قابلِ سماعت ہونے پر فیصلہ محفوظ

اسلام آباد ہائی کورٹ نے اشتہاری افراد سے وزیرِ اعظم کی ملاقات کے خلاف درخواست قابلِ سماعت ہونے پر فیصلہ محفوظ کر لیا۔

اسلام آباد ہائی کورٹ کے چیف جسٹس اطہر من اللّٰہ نے درخواست گزار کے وکیل ایڈووکیٹ چوہدری محمد اکرم کے دلائل سننے کے بعد فیصلہ محفوظ کیا۔

دورانِ سماعت درخواست گزار کے وکیل نے بتایا کہ وزیرِ اعظم نے لندن میں اسحاق ڈار سے ملاقات کی ہے۔

اسحاق ڈار کے دائمی وارنٹ گرفتاری جاری

احتساب عدالت نے سابق وزیر خزانہ اسحاق ڈار کے اثاثہ جات ریفرنس میں دائمی وارنٹ گرفتاری جاری کردیئے۔

درخواست گزار نے استدعا کی کہ وزیرِ اعظم کو ان لوگوں سے ملنے سے روکا جائے جنہیں عدالت نے اشتہاری قرار دیا ہے۔

چیف جسٹس اطہر من اللّٰہ نے استفسار کیا کہ وزیرِ اعظم کو کیسے روکا جائے؟ کون سی رٹ پٹیشن بنتی ہے؟ آپ کی درخواست قبل از وقت ہے، صرف خدشے پر کیسے دیکھ سکتے ہیں؟

عدالت نے درخواست قابلِ سماعت ہونے پر فیصلہ محفوظ کر لیا۔