فرمان الہی
نماز کے اوقات
سابق وزیر اعظم نواز شریف کی صاحبزادی اور مسلم لیگ (ن) کی نائب صدر مریم نواز نے کہا ہے کہ فل کورٹ نہ بنانے کی واحد وجہ خوف ہے۔
وزیراعلیٰ پنجاب الیکشن کیس میں سپریم کورٹ کی سماعت پر مریم نواز نے تبصرہ کیا اور کہا کہ مجھے کم از کم یقین تھا کہ فل کورٹ نہیں بنے گا۔
انہوں نے کہا کہ جب فیصلے آئین، قانون اور انصاف کے مطابق نہ ہوں تو فل کورٹ سے خطرہ رہتا ہے، ایماندار ججز کے شامل ہونے سے فیصلے کی خامیاں منظر عام پر آ جاتی ہیں۔
مریم نواز نے مزید کہا کہ لوگ جان جاتے ہیں کہ فیصلہ آئین و قانون نہیں، ذاتی پسند و ناپسند کی بنیاد پر کیا گیا ہے۔
اُن کا کہنا تھا کہ اب کچھ بھی کر لیں، لوگ تو جان گئے، مجھے کم از کم یقین تھا فل کورٹ نہیں بنے گا۔
ن لیگ کی نائب صدر نے کہا کہ مجھے یقین تھا انصاف نہیں ملے گا اور یہ ہی قوم کو بتانا چاہتی تھی، وجہ خوف ہے، ان کو اپنے ہی کیے ہوئے فیصلوں کے تضاد سامنے آنے کا خوف ہے۔
